လုပ်ငန်းတိုင်းအတွက် Standard Operation Procedure

ဝန်ထမ်းရေးရာ ပြဿနာတချို့ကို ယခုစာရွက်စာတမ်းများဖြင့် ကြားခံဆောင်ရွက်ပါ။ ဒီအခါမှာ တခုသတိထားမိတာက လုပ်ငန်းရှင်တွေက ဒီအချက်တွေကို ပြောတဲ့အခါ အဲ့လုပ်ငန်းရှင်တွေကို ၀န်ထမ်းတွေမုန်းနိုင်ပါလိမ့်မယ်။ ဖြစ်နိုင်ရင် ၀န်ထမ်းရေးရာအုပ်ချုပ်မှုဌာနထားပါ (သို့မဟုတ်) အကြံပေးလုပ်ငန်းတွေကို အပ်ပြီး၊ အကြံပေးလုပ်ငန်းတွေရဲ့ လမ်းညွှန်ချက်ပဲ ဒါကိုငါတို့ကုမ္ပဏီသုံးမယ် ဒါဆို ၀န်ထမ်းနဲ့လုပ်ငန်းရှင်ကြား အဟန့်အတားတချို့မရှိနိုင်တော့ပါဘူး။ 

ကုမ္ပဏီအကြံပေးတစ်ယောက်အနေနဲ့ ယခုအချက်များကို နယ်အသီးသီးမှ လက်လှမ်းမမှီနိုင်တဲ့ မိတ်ဆွေလုပ်ငန်းတွေ၊ လုပ်ငန်းအသစ်စခါစ Start-up လုပ်ငန်းလေးတွေ၊ မိရိုးဖလာလုပ်ငန်းတွေကို ကုမ္ပဏီပုံစံ စနစ်ကျစေချင်နဲ့ စေတနာဖြင့် FOC အကြံပေးပါရစေ။ ယခုတင်ပြချက်ဟာ အောင်မြင်စနစ်ကျနေတဲ့ လုပ်ငန်းတွေရဲ့ အတွင်းပိုင်းအာသာချက် မဟာဗျူဟာတွေ ဖြစ်လို့ မိတ်ဆွေလုပ်ငန်းများကိုလည်း ယခုပုံစံများအား အသုံးပြုခြင်းဖြင့် လုပ်ငန်းစနစ်ကျလာစေဖို့ ရည်ညွှန်းထားပါတယ်။

(၁) Employment Contract (အလုပ်ခန့် စာချုပ်) သုံးနည်း - ၀န်ထမ်းတွေ ထွက်တယ်၊ မမြဲဘူး၊ စည်းကမ်းမလိုက်နာဘူး၊ ဒီပြဿနာတွေကို အလုပ်ခန့်စာချုပ်ဖြင့် စီမံအုပ်ချုပ်ထားပြီး စီမံအုပ်ချုပ်နိုင်ပါတယ်။

(၂) JD Form (၀န်ထမ်းတာဝန် ဖောင်ပုံစံ) သုံးနည်း - ၀န်ထမ်းတွေအလုပ်မပြီးတာဟာ တိကျတဲ့တာဝန်ပေးအပ်မှုမရှိလို့ပါ၊ ဒီအချက်ကို Job Description ဘာလုပ်ရမယ်၊ ဘယ်သူတွေနဲ့လုပ်ရမယ်၊ ဘယ်လိုတင်ပြရမယ် ဆိုတာ JD Form ပုံစံနဲ့ စီမံအုပ်ချုပ်နိုင်ပါတယ်။

(၃) KPI Form (စွမ်းဆောင်ရည်တိုင်းတာမှု ဖောင်ပုံစံ) သုံးနည်း - ၀န်ထမ်းတွေရဲ့ အရည်အချင်းကိုထိန်းဖို့ဆိုရင် လုပ်ငန်းပြီး မြောက်မှုကိုတိုင်းတာတဲ့ KPI ပုံစံရှိပါတယ်။ အချက် (၁၀-ချက်) ရှိပါတယ်။ ဒီအချက်အပေါ် အခြေခံပြီး လစာတိုးတာလို့၊ ရာထူးတိုးတာလို့ စဉ်းစားပြီး ၀န်ထမ်းကောင်းတွေဖြစ်အောင် စီမံအုပ်ချုပ်နိုင်ပါတယ်။  

(၄) Job Promotion (လုပ်ငန်းရာထူးတိုး ဖောင်ပုံစံ) သုံးနည်း - ၀န်ထမ်းတိုင်းဟာ ရာထူးတိုးချင်တယ်၊ လစာတိုးချင်လိမ့်မယ်၊ ဒီအချက်နဲ့ အသက်မွေးဝမ်းအာမခံချက်လိုတယ်။ ဒါကြောင့် ၀န်ထမ်းအားလုံးအတွက် ရာထူးတိုးဖို့၊ လစာတိုးဖို့ ဆုံးဖြတ်ပေးတဲ့ Promotion ဖောင်ပုံစံကို အသုံးပြုပြီး စီမံအုပ်ချုပ်နိုင်ပါတယ်။  


(၅) Report Form (အစီရင်ခံစာတင်ပြမှု ဖောင်ပုံစံ) သုံးနည်း - ၀န်ထမ်းအားလုံး၊ လုပ်ငန်းအခြေအနေအားလုံးရဲ့ Update ကို သိဖို့အတွက် လုပ်ငန်းများမှာ Report ပုံစံထားရှိရပါတယ်။ ဘယ်အဆင့်ကနေ ဘယ်အဆင့်အထိ အနှစ်ချုပ်ပြီးတင်ပြမှုတွေကို Report Form ထားပြီး စီမံအုပ်ချုပ်နိုင်ပါတယ်။

(၆) Do and Don't Form (ဆောင်ရန် - ရှောင်ရန် ဖောင်ပုံစံ) သုံးနည်း - လုပ်ငန်းခွင်မှာ လိုက်နာရမဲ့ Do & Don't စည်းကမ်း တွေဟာ ရှိရပါလိမ့်မယ်။ ဒါဆိုရင်လုပ်ရမယ် - ဒါဆိုရင်မလုပ်ရဘူးဆိုတဲ့အချက်တွေနဲ့ မလုပ်သင့်တာတွေမလုပ်ဖို့၊ လုပ်သင့်တာတွေလုပ်ဖို့အတွက် Do & Don't Form ထားပြီး စီမံအုပ်ချုပ်နိုင်ပါတယ်။

(၇) HR Manual Guide (၀န်ထမ်းရေးရာ လက်စွဲစာအုပ်) သုံးနည်း - ၀န်ထမ်းများအားလုံး လိုက်နာရမဲ့ စည်းကမ်းချက်တွေ ဖြစ်တဲ့ (အလုပ်ချိန်၊ ခွင့်ခံစားမှုများ၊ အသုံးပြုမည့်စာရွက်စာတမ်းများ နှင့် အလုပ်ရှင်-အလုပ်သမား နည်းဥပဒေများ) စတဲ့ အချက်များ ပါဝင်တဲ့ ၀န်ထမ်းလက်စွဲစာအုပ်ထားပြီး စီမံအုပ်ချုပ်နိုင်ပါတယ်။

 

မြန်မာ့စီးပွားရေးလုပ်ငန်းများ တိုးတက်လာခြင်းသည် - နိုင်ငံ၏ GDP ဖွံ့ဖြိုးတိုးတက်မှုသို့ များစွာကူညီပေးနိုင်လိမ့်မည်။

 

credit: entrepreneursme.com

www.baganmart.com

လုပ်ငန်းရှင်များရောင်းဝယ်ရာ

Follow Us